గంటల్లో పార్లమెంట్‌ ఫ్లాట్‌ ఫారం మీదకు రాబోతోంది  డిపార్ట్‌మెంటల్‌ అనౌన్స్‌మెంట్‌..!వాయువేగంతో దూసుకొస్తున్న ఈ మమత ఎక్స్‌ప్రెస్‌..కొన్ని రాష్ట్రాల్లో

ఆగక పోవచ్చు..!!! అందులో ఎప్పటి లాగే ఆంధ్ర ప్రదేశ్‌ కూడా ఉండొచ్చు…!!! ఎన్నికల వేళ బెంగాల్‌ ఓటర్ల వెంట పడ్డ దీ గ్రేట్ మమతా బెనర్జీ…బడ్జెట్‌

ఎక్స్‌ప్రెస్‌ను స్వరాష్ట్రం వైపు ఎప్పుడో దారి మళ్లించేశారు….

అంతా జనరంజకం….

సామాన్యుడికే బడ్జెట్‌ అంకితం

రైల్వే బడ్జెట్‌కు తుది మెరుగులు దిద్ది..పట్టాలెక్కించడానికి కొన్ని గంటల ముందు ఆశాఖ మంత్రి మమతా బెనర్జీ దేశ ప్రజలకు ఇచ్చిన హామీ

ఇది. 2011-12 ఆర్థిక సంవత్సరానికి గానూ రైల్వే బడ్జెట్‌ను మమత బెనర్జీ ఇవాళ మధ్యాహ్నం  12 గంటలకు లోక్‌సభలో ప్రవేశ పెట్టనున్నారు…మన రాష్ట్రంతో పాటు ఎవరు ఎన్ని ఆశలు పెట్టుకున్నా….మమత బెనర్జీ ఎక్స్‌ ప్రెస్ మాత్రం.. నాన్‌ స్టాప్‌గా  వెస్ట్ బెంగాల్ వైపే దూసుకెళ్లనుంది. మరో రెండు నెలల్లో అసెంబ్లీ ఎన్నికలు జరగనుండటంతో  మమత కరుణంతా రంగరించి

బెంగాల్‌ పైనే కురిపించనున్నారు. బెంగాల్ కోసం రెండు రైల్వే ఆడిటోరియాలను, ఈశాన్య భారతానికి భారీ రైల్వే ప్రాజెక్ట్‌ను ఇచ్చే ఆలోచనలో దీదీ ఉన్నారు…

పీపుల్‌ ఫ్రెండ్లీ, ప్యాసింజర్ ఫ్రెండ్లీగా బడ్జెట్‌ ఉంటుందని చెబుతున్న మమత బెనర్జీ…సామాన్య ప్రయాణికుల ఛార్జీలు పెంచకుండా ఈసారి కూడా

వారికి ఊరట కల్పించనున్నారు. ఫస్ట్‌ క్లాస్‌ ఏసీ ఛార్జీలు మాత్రం కొద్దిగా పెరిగే సూచనలున్నాయి…

కొత్తగా 100 ట్రైన్స్‌ను ఏర్పాటు చేయడం,  దేశంలోని రెండు ప్రధాన నగరాల మధ్య హై స్పీడ్‌ ఫెసిలిటీ, 12 దురంతో ఎక్స్‌ప్రెస్‌లకు గ్రీన్‌ సిగ్నల్‌ ఇవ్వడం, లాంగ్ జర్నీ ట్రైన్స్‌లో డాక్టర్ల సౌకర్యం,  వెయిటింగ్‌ లిస్ట్ టికెట్ కన్ఫార్మైతే SMS సందేశం,  తక్కువ ధరకే భోజన ఏర్పాట్లు చేస్తూ కొత్త కాటరింగ్ పాలసీ,  పరీక్షలకు వెళ్లే విద్యార్థులకు తత్కాల్ స్కీంలో టిక్కెట్లు….ఇవి మమత బడ్జెట్‌లో  ఉంటాయని భావిస్తున్న హైలైట్స్..

రైల్వే ప్రయాణికుల సమస్యల పరిష్కారం కోసం దేశ వ్యాప్తంగా అందుబాటులో ఉండే విధంగా… 132 నెంబర్‌తో ఫిర్యాదుల కోసం SMS వ్యవస్థను తీసుకురానున్నారు.

బడ్జెట్‌ రూపకల్పన కంటే బెంగాల్ ఎలక్షన్సే మమతను ఎక్కువగా తరుముతున్నాయి. బెస్ట్‌ బెంగాల్‌లో పాగా వేసేందుకు ఈ బడ్జెట్‌నే మమత ఆయుధంగా చేసుకోనున్నారు. అందుకే మమత ఎక్స్‌ప్రెస్‌ది ప్రస్తుతానికి వన్‌వే జర్నీ – బెంగాల్ టు బెంగాల్‌….

వెంగలప్పలను చేసేలా ఉంటాయి. జగన్‌ లక్ష్య దీక్ష చూస్తే  నాకదే అనిపించింది.

జగన్‌ దీక్ష…ఆయన ఎజెండా గురించి పక్కనపెట్టి…ఆయన పంచన చేరిన కాంగ్రెస్ నేతల గురించి మాత్రం ప్రస్తుతానికి మాట్లాడుకుందాం. ఇక్కడ ముగ్గురే క్యారక్టర్లు. ఒకరు జగన్మోహన్‌రెడ్డి…రెండు కాంగ్రెస్ పార్టీ.. మూడు జగన్‌కు జై కొడుతున్న కాంగ్రెస్ ప్రజా ప్రతినిధులు.

జగన్‌ ఎవరు…? - తన తండ్రి చనిపోయిన తర్వాత ముఖ్యమంత్రి పీఠం వస్తుందని ఆశించి…చివరకు భంగపడి…కాంగ్రెస్‌ పార్టీలో ఉంటే..ఇక సీఎం పోస్ట్ దక్కదని….పార్టీతో తెగతెంపులు చేసుకొని సోనియాపై బహిరంగ ఆరోపణలు చేసి మరీ  పార్టీ వీడిన ఓ మాజీ ఎంపీ…

జగన్‌కు జై కొడుతున్నది ఎవరు…?- హైకమాండ్‌ అంటే దేవుడితో సమానం అన్నట్లు కబుర్లు చెబుతూ..సోనియా పలికిందే వేదం అంటూ వల్లె వేస్తూ… కాంగ్రెస్‌ పార్టీ ఇచ్చిన బి ఫార్మ్స్‌పై ప్రజా ప్రతినిధులుగా  ఎన్నికై…ఆ పార్టీలోనే ఉన్నవాళ్లు… జగన్‌ వెంట ఎవరైనా వెళ్లవచ్చు… జగన్‌కు ఎవరైనా జై కొట్టవచ్చు…రాజకీయంగా ఎటువంటి నిర్ణయాలైనా తీసుకోవచ్చు…ఇంత వరకూ ఎలాంటి అనుమానాలులేవు…. కానీ అటూ…ఇటూ గా వ్యవహించే వారి విషయంలోనే నైతికత అనే ప్రశ్న ఉత్పన్నమవుతుంది.  లక్ష్య దీక్షలో కాంగ్రెస్‌ పార్టీకి చెందిన 30 మంది  ప్రజా ప్రతినిధులు ( ఎమ్మెల్యేలు, ఎంపీలు, ఎమ్మెల్సీలు ) జగన్‌ నామస్మరణ చేశారు. ఒక పార్టీలో ఉంటూ ఆ పార్టీ పైనే పోరాటానికి సిద్ధపడి మరో పార్టీ పెట్టే ఏర్పాటులో ఉన్న ఒక వ్యక్తికి వీరంతా మద్దతు తెలుపుతున్నారు. కాంగ్రెస్‌లో జరిగే తమాషా ఇదే.

కాంగ్రెస్‌ ఎమ్మెల్యేలేమో ( లక్ష్య దీక్షకు వచ్చిన వాళ్లు) జగన్‌ జిందాబాద్ అంటారు… మరి ఆ జగనేమో..కాంగ్రెస్‌ పార్టీ ప్రభుత్వానికి రోజులు మూడాయని ఘాటుగా విమర్శిస్తారు…ఇదెక్కడి చోద్యమో అర్థంకాదు.

ఇక్కడ ప్రధానమైన ప్రశ్నలేటంటే….?

కాంగ్రెస్ ఎమ్మెల్యేలు డ్యూయల్‌ రోల్‌ ఎందుకు ప్లే చేస్తున్నట్లు….?

జగన్‌తో జత కట్టాలనుకున్నట్లు కాంగ్రెస్ పార్టీలో ఉండటం ఎందుకు…?

పార్టీని వీడిని వ్యక్తికి, పార్టీపై పోరు చేస్తున్న వ్యక్తికి సోనియాను టార్గెట్‌ చేసుకున్న వ్యక్తికి మీరు జై కొట్టడం ద్వారా ఎలాంటి సందేశం ఇస్తున్నారు…? ఇందులో మీ నైతికత ఎంత…?

ఎన్నికలొచ్చే వరకూ పార్టీలో ఉందా…? ఎన్నికలొస్తే..జగన్‌కు జై కొట్టి పార్టీ వీడదాం…అన్న వైఖరి ఎంత వరకూ సమంజసం…?

ఓ ప్రాంతానికి ప్రజా ప్రతినిధిగా ఎన్నికయ్యారంటే…రెండు కారణాలు ఉంటాయి. ఒకటి వ్యక్తిగత ఇమేజ్‌. లేదా…పార్టీ ఇమేజ్…  పార్టీ గుర్తు చూసి ఓటేసిన జనాలకు ఇప్పుడు మీరు ఏం చెబుతారు…?

సాధారణంగా కొత్త పార్టీలు పుట్టుకొచ్చేటప్పుడు…రాజకీయ సమీకరణాలు మారుతూ ఉంటాయి. కానీ కాంగ్రెస్ పార్టీలో జరుగుతున్న పరిణామాలు మాత్రం కాస్త భిన్నమైనవి….ఓటు వేసి గెలిపించిన జనాలతో సంబంధం లేకుండా… ఆదరించిన పార్టీతో సంబంధం లేకుండా…ఎవరికి వారికి వ్యక్తిగత ఎజెండాలు ఉంటాయి. అందుకే కాంగ్రెస్‌ను జగన్‌ తిడుతుంటే…ఆయనకే జై కొడుతున్నారు సోనియా కండువా మెడలో వేసుకున్న సో కాల్డ్ కాంగ్రెస్‌ ప్రజా ప్రతినిధులు….

మాజీ కేంద్ర టెలికాం మంత్రి రాజా ఓ క్రిమినల్‌ కేసుకు సంబంధించి మద్రాస్‌  హైకోర్టు న్యాయమూర్తిని ప్రలోభపెట్టారన్నది వివాదం. అయితే దీనికి సంబంధించి అప్పటి మద్రాస్‌ హైకోర్టు ప్రధాన న్యాయమూర్తి జస్టిస్‌ గోఖలే…అప్పటి సుప్రీం కోర్టు ప్రధాన న్యాయమూర్తి కె.జి. బాలకృష్ణన్‌కు ఓ లేఖ రాశారు. ఇప్పుడు ఆ లేఖ చుట్టూనే వివాదం ముసురుకుంది.

జస్టిస్‌ బాలకృష్ణన్‌ చెప్పిందేంటి…?

జస్టిస్‌ రఘుపతి వ్యవహారానికి సంబంధించి ( రాజా ఈయన్నే ప్రలోభపెట్టారన్నది ఆరోపణ) నాకు అందిన లేఖలో ఎక్కడా రాజా పేరు పేర్కొనలేదు. ఏ కేంద్ర మంత్రి పేరు ఇందులో లేదు.

వాస్తవానికి ఈ లెటర్‌ పై మీడియాలో కథనాలు వచ్చిన వెంటనే సుప్రీం కోర్టు మాజీ ప్రధాన న్యాయమూర్తి కె.జి .బాలకృష్ణన్‌ మీడియా సమావేశాన్ని పెట్టి మరీ ఈ విషయాన్ని స్పష్టం చేశారు. తనకు అందినలేఖలో ఏ కేంద్ర మంత్రి పేరూ లేదని వక్కాణించారు. అయితే ప్రస్తుతం సుప్రీంకోర్టు న్యాయమూర్తిగా ఉన్న అప్పటి మద్రాస్‌ హైకోర్టు చీఫ్‌ జస్టిస్‌ గోఖలే ఇవాళ ఓబాంబు పేల్చారు. బాలకృష్ణన్‌ ప్రకటనకు విరుద్ధమైన స్టేట్‌మెంట్‌ ఇచ్చారు.

జస్టిస్‌ గోఖలే ఏం చెప్పారు…?

ఓ క్రిమినల్‌ కేసు విషయంలో మద్రాస్‌ హైకోర్టు న్యాయమూర్తి జస్టిస్‌ రఘపతిని అప్పటి కేంద్ర మంత్రి రాజా ప్రలోభపెట్టిన విషయం చీప్‌ జస్టిస్‌ ఆఫ్‌ ఇండియాకు తెలుసు. లేఖలో రాజా పేరును స్పష్టంగా పేర్కొన్నాను. …ఇది జస్టిస్‌ గోఖలే పేల్చిన బాంబు. లేఖ రాసింది జస్టిస్‌ గోఖలే….లేఖ అందుకుంది జస్టిస్‌ కె.జి. బాలకృష్ణన్‌…లేఖలోఏముంది అన్న విషయంలో ఇద్దరు న్యాయమూర్తులు చెబుతున్నదానికి పొంతనే లేదు.

ఇంతకీ ఆ క్రిమినల్‌ కేసు విషయంలో ఏం జరిగింది….?

>న్యాయమూర్తి రఘుపతిని ప్రలోభపెట్టిన  విషయం వాస్తవమా కాదా…?

ఈ విషయాన్ని జస్టిస్‌ గోఖలే …జస్టిస్‌ కె.జి.బాలకృష్ణన్‌ దృష్టికి తీసుకువచ్చారా లేదా…?

లేఖలో రాజా పేరు పేర్కొన్నానని జస్టిస్‌ గోఖలే స్పష్టంగా చెబుతున్నప్పుడు…మరి బాలకృష్ణన్‌ ఆ విషయాన్ని ఎందుకు అంగీకరించడం లేదు…?

అంటే జస్టిస్‌ బాలకృష్ణన్‌  వాస్తవాలను దాస్తున్నారా…?

రాజా పేరు లేదనిపదే పదే బాలకృష్ణన్‌ ఎందుకు చెబుతున్నట్లు….?

ఒకవేళ జస్టిస్‌ బాలకృష్ణన్‌ చెప్పిందే నిజమైతే…జస్టిస్‌ గోఖలే లేఖలో రాజాపేరు ఉన్నట్లు ఎందుకు చెబుతున్నారు….?

ముగ్గురు న్యాయమూర్తులు…జస్టిస్‌ రఘుపతి , జస్టిస్‌ గోఖలే, జస్టిస్‌ కె.జి.బాలకృష్ణన్‌ల మధ్య ఎలాంటి కమ్యూనికేషన్‌ జరిగింది….?

ఒకరు సుప్రీం కోర్టు మాజీ ప్రధాన న్యాయమూర్తి, మరొకరు ప్రస్తుత న్యాయమూర్తి …వీరిద్దరు భిన్నమైన ప్రకటనలు చేయడాన్ని ఏ రకంగా అర్థం చేసుకోవాలి….?

రాజా రూపంలో న్యాయవ్యవస్థలో రాజకీయాలు ప్రవేశించాయా..?
రాజా- న్యాయవ్యవస్థ కు సంబంధించి ఈ ఎపిసోడ్‌లో తలెత్తుతున్న ప్రశ్నలకుసమాధానం చెప్పేదెవరు….?

ప్రజలకు ఉపయోగపడే పని ఒక్కటంటే ఒక్కటి కూడా చర్చించకుండానే పార్లమెంట్‌ శీతాకాల సమావేశాలు ముగిసిపోయాయి. 25 యేళ్లలో ఎప్పుడూ లేని విధంగా జీరో బిజినెస్‌తో సభ ముగిసింది. శీతాకాల సమావేశాల్లో దాదాపు 114 గంటల విలువైన సభా సమయంగంగలో కలిసిపోయింది. పార్లమెంట్‌పై దాడి ఘటనకు 9 యేళ్లు పూర్తయిన సందర్భంగా నివాళులు అర్పించడానికి ఏకమైన ప్రభుత్వ, ప్రతిపక్షాలు సభనుసజావుగా నడిపించడంలో మాత్రం ఘోరంగా విఫలమయ్యాయి.

ఎవరిని నిందించాలి…?

నవంబర్‌ ౯న ప్రారంభమైన పార్లమెంట్‌ శీతాకాల సమావేశాలుఏరోజూ కనీసం ఒక్క పది నిమిషాలైనా సజావుగా సాగలేదు. ౨ జి స్పెక్ట్రం కుంభకోణమే దీనికి కారణం. జాయింట్‌ పార్లమెంటరీ కమిటీ (jpc) కోసం పట్టుబడ్డవిపక్షాలు సభను అడుగడుగునా అడ్డుకున్నాయి. ౧.౭౬ వేల కోట్ల రూపాయల కుంభకోణాన్ని ఎవరూ తేలిగ్గా తీసుకోలేరు. నీతి నిజాయితీల్లో తమ అంతటి వాళ్లులేరని చెప్పుకునే సోనియా, మన్మోహన్‌లు ఈ కుంభకోణం విషయంలో మాత్రం అప్రజాస్వామికంగా వ్యవహరించారు. కేవలం ప్రతిపక్షాలకే కాదు…2 జి కేటాయింపులవిషయంలో దేశ ప్రజలకు కూడా ఎన్నో అనుమానాలున్నాయి. వాటన్నింటినీ నివృత్తిచేయాల్సిన సర్కార్‌ చట్టం తన పని తాను చేసుకుపోతుంది లాంటి రొటీన్‌ పొలిటికల్‌డైలాగులు చెప్పి తప్పించుకోబోచూసింది. కానీ ప్రతిపక్షాలు వదిలి పెట్టలేదు. అసలేబీహార్‌ ఎన్నికల గెలుపుతో మాంచి ఉత్సాహంగా ఉన్న ఎన్‌డీఏ పక్షాలు…డైరెక్ట్‌గా ౧౦ జన్‌పధ్‌నే టార్గెట్‌ చేశాయి.

ఓ వైపు ప్రతిపక్షం, మరోవైపు ప్రభుత్వ పక్షం, మధ్యలో 2 జి స్పెక్ట్రం. ఎవరూ వెనక్కి తగ్గలేదు. వాస్తవానికి ప్రజలకు జవాబుదారీ తనం ప్రతిపక్షాలకంటే ప్రభుత్వ పక్షానికే ఎక్కువగా ఉంటుంది. ఇంత పెద్ద కుంభకోణంలో తమ చిత్తశుద్దిని నిరూపించుకోవాల్సిన ప్రభుత్వం జేపీసీని ఏర్పాటు చేసి ఉంటే…ఇటు ప్రతిపక్షం..అటు ప్రజలు కూడా నమ్మేవారు. కానీ మొదటి నుంచి యూపీఏసర్కార్‌ జేపీసీ వేయడానికి వెనుకడుగు వేస్తూనే వస్తోంది.

వైపు జాతీయ మీడియా స్పెక్ట్రం కుంభకోణంలో రోజురోజుకూ తీగలాగుతూ ప్రభుత్వాన్ని చీల్చి చెండాడుతున్నా…సుప్రీం కోర్టు తీవ్రవ్యాఖ్యలతో నిలదీస్తున్నా…..మేడం సోనియా ప్రభుత్వానికి చీమ కుట్టినటెﾕ్టనా లేదు.మొత్తం సభ జరిగిన తీరును గమనిస్తే ప్రభుత్వం వైఖరి చాలా స్పష్టం కనిపించింది.జేపీసీని వేస్తే అసలుకే మొసం వస్తుంది. సో…ప్రతిపక్షాల ఒత్తిడికి లొంగకూడదు. సాగినంత కాలం సాగనిద్దాం. ఇదే ధరణి కనిపించింది. పార్లమెంటరీ ప్రజాస్వామ్యవ్యవస్థ మనుగపై ఆందోళన వ్యక్తం చేసిన ప్రధాని కానీ…అవినీతి విషయంలో మీరుమాకు నీతులు చెప్పేదేంటని ప్రగల్భాలు పలికిన సోనియమ్మ కానీ…పార్లమెంట్‌నుసజావుగా నడపడానికి ఒక్కటంటే ఒక్క చర్య కూడా తీసుకోలేదు. ఫలితం…కోట్లాది రూపాయల ప్రజాధనం వృధా. కాలం వెళ్లబుచ్చడం తప్ప సభలో జరిగిందిఏదీ లేదు. ఇందుకేనా పార్లమెంట్‌ సమావేశాలను ఏర్పాటు చేసుకుంది. అటు ప్రతిపక్షం కోరిందీ జరగలేదు…ఇటు ప్రజా సమస్యలు నెరవేరలేదు. నిర్మాణాత్మకచర్చలూ చేపట్టలేదు….ఈ పాపం ఎవరదనుకోవాలి….? నిజాయితీ లోపించినపార్టీలదా… లేక ప్రజా ప్రతినిధులుదా…?

దేశ చరిత్రలోనే అతిపెద్ద స్కాంగా చరిత్ర కెక్కిన స్పెక్ట్రం కేటాయింపుల కుంభకోణం యూపీఏ ప్రభుత్వాన్ని ఉక్కిరిబిక్కిరి చేస్తోంది. స్వతహాగా మంచివాడిగాఎలాంటి మచ్చలేనివాడిగా పేరున్న మన్మోహన్‌ను ఒకదానిపై మరొకటి కుంభకోణాలుఉక్కిరి బిక్కిరి చేస్తున్నాయి. మౌనం అర్థాంగికారం అంటారు. కానీ మన్మోహన్‌ విషయంలోఆయన మౌనమే ప్రతిపక్షాల దృష్టిలో చేతగానితనంగా మారిపోయింది. లక్షా ౭౩ వేల కోట్ల రూపాయాల ప్రజాధానం దుర్వినియోగమైనప్పుడు…తన కేబినెట్‌ సహచరుడే తీవ్ర ఆరోపణలు ఎదుర్కొంటున్నప్పుడు ఒక బాధ్యత గల ప్రధానిగా వెంటనే స్పందించి ఉంటేబాగుండేది. కానీ ఆయన ఆ పని చేయలేదు. చివరకు సుప్రీం కోర్టు చేతిలో కూడా చీవాట్లు తిన్నారు. మీడియా ఒత్తిడితోనే లేక రాజకీయంగా పరువు పోకూడదనే డీఎంకేనేతస్పెక్ట్రం సూత్రధారి రాజా తప్పుకున్నా….కుంభకోణం కుంభకోణంగానే మిగిలిపోయింది. ప్రజలకు జవాబుదారీగా ఉండాల్సిన వాళ్లు ఆ ప్రజల సొమ్మునే దిగమింగేశారు. చివరకు వ్యవహారం పార్లమెంట్‌ ముందుకు వచ్చింది. ఇక్కడే అసలు కథ మొదలైంది. స్పెక్రం ఆరోపణల్లో నిజానిజాలు వెలికి తీసేందుకు జేపీసీ వేయాలని విపక్షాలు పట్టుపడుతున్నాయి.

ఈ జేపీసీ దగ్గరే సభ ఆగిపోయింది. ఇప్పటి వరకూ ఒక్క క్షణం కూడా సజావుగా సాగిన దాఖలాలు లేవు. ప్రతిపక్షాలు జేపీసీ కోసం పట్టుపట్టడం, సభాపతిసభను వాయిదా వేయడం…రోజూ ఇదే తంతు. సభ ఎజెండా పక్కన పడిపోయింది. కోట్లాది రూపాయల ప్రజా ధనం వృధా అయ్యింది. అయినా ప్రభుత్వానికి కానీ మన ఎంపీలకు గానీ చీమకుట్టినటెﾕ్టనా లేదు. ఇక్కడ ముద్దాయి కాంగ్రెసా లేక బీజేపీనా లేకయూపీఏనా, ఎన్‌డీఏనా అన్నది కాదు. మొత్తం రాజకీయ వ్యవస్థే ప్రజల ముందు ముద్దాయిగా నిలబడింది. జేపీసీ వేయగానే వాస్తవాలు బయటకు వస్తాయని, దోషులకు శిక్ష పడుతుందని, ప్రజల సొమ్ము వెనక్కి వస్తుందన్న ఆశ అయితే నాకు లేదు. కానీ జేపీసీద్వారా రాజ్యాంగబద్దమైన విచారణ అయితే మొదలవుతుంది. మరి యూపీఏ సర్కార్‌ ఎందుకు స్పందించదు

“I have repeatedly told the opposition that existing mechanisms can do what a JPC can”  ఇదీ ప్రధాని సమాధానం.

దేశ చరిత్ర తెలిసిన ఎవరికైనా ఓ విషయం మాత్రం తెలుసు. ఎన్ని కుంభకోణాల్లో, ఎన్ని విచారణకు నోచుకోని, ఎంతమందికి శిక్ష పడిందో పెద్దగా చెప్పుకోనవసరం లేదు. ప్రధానికి ఆ విషయం అర్థం కానట్టుంది. జేపీసీవేస్తే అసలు గుట్టు రట్టవుతుందన్న భయం యూపీఏ ప్రభుత్వానికి ఉందా…? అందుకేజేపీసీ విషయంలో వెనకడుగు వేస్తుందా…? ప్రతిపక్షాలదే కాదు ప్రజలకు కూడా ఇలాంటిసందేహాలే వస్తున్నాయి. పార్లమెంటరీ ప్రజాస్వామ్యం భవిష్యత్తు గురించి తెగ ఆందోళనచెందుతున్న ప్రధాని గారికి జేపీసీ వేయడం ద్వారా వచ్చిన నష్టమేమిటి….? స్పెక్ట్రం తీగ లాగిన సుప్రీం కోర్టు ఎన్‌డీఏ హయాంలో జరిగిన కేటాయింపులను కూడా లెక్క తేల్చాలని ఆదేశించింది. సో ఇందులో ఎవరు పత్తిత్తులో…ఎవరు దోషులో సీబీఐ విచారణ పూర్తయితే కానీ తెలియదు. అది ఎప్పటికి జరుగుతుంది…? ఎప్పటికి పూర్తవుతుంది..?

వెర్రి వేయివిధాలు అన్నట్లు సర్దార్ సందేశాల రూపంలో మెసెజ్‌లు చలామణి అవుతూ ఉంటాయి. అయితే ఆ మధ్య నేను ఆకాశమంత అనే సినిమా చూశాను. అందులో సర్దార్‌పై ఓ చిన్న ఎపిసోడ్ ఉంటుంది. బహుశా సర్దార్‌లపై SMSల రూపంలో జరుగుతున్న మానసిక దాడి తప్పు అని చెప్పేందుకు ఆ సినిమా డైరెక్టర్‌ కావాలనే ఆ సన్నివేశాలను పెట్టాడేమో అనిపిస్తుంది. ప్రకాష్‌రాజ్‌ స్నేహితుడు సర్దార్‌ల గొప్ప తనాన్ని ఇలా చెబుతాడు. ఓసారి ఢిల్లీ వెళ్లినప్పుడు ఓ క్యాబ్‌ ఎక్కుతాడు. దానికి డ్రైవర్‌ ఓ సర్దార్‌. వెనుక కూర్చొని సర్దార్‌లపై జోకులు వేసుకుంటూ ఉంటారు. క్యాబ్‌ దిగి వెళిపోతుండగా ఆ సర్దార్‌ డ్రైవర్ ఓ మాట అంటాడు. జేబులో నుంచి ఓ రూపాయి తీసి ఇచ్చి…మీరు ఈ సిటీ వదిలి వెళ్లే లోపు ఎక్కడైనా సర్దార్‌ బిచ్చగాడు కనిపిస్తే ఈ రూపాయి ఇవ్వండి అని చెప్పి వెళ్లిపోతాడు…. ఆశ్చర్యకరంగా బిచ్చమెత్తుకొనే సర్దార్‌ ఒక్కడూ కనిపించడు. అప్పుడు అతను అనుకుంటాడు.. సర్దార్లు ఒళ్లు వంచి పనిచేస్తారు. మనం మాత్రం వాళ్లపై జోకులు వేసుకొని కాలక్షేపం చేస్తామని… సినిమాలో చెప్పినా అది మటుకు చాలా వరకూ వాస్తవమే. ఆ సినిమా చూసిన తర్వాత సర్దార్‌ మెసెజ్‌లు నా ఫోన్‌కు వస్తే…వెంటనే ఆ సీను గుర్తుకువచ్చేది. సర్దార్‌జి మెసెజ్‌లు ఎవరికైనా ఫార్వడ్‌ చేయాలంటే ఒకింత ఆలోచించే వాడిని.. అయితే ఆ సినిమా ఎఫెక్టో లేక…మరేదైనా కారణం ఉందో తెలియదు కానీ…ఈ మధ్య ఎందుకే… ఎవరి సెల్‌ఫోన్ల లోనూ సర్దార్ జీ ఫన్నీ మెసెజ్‌లు కనిపించడం లేదు. ఉన్నట్టుండి ఆ ప్లేస్‌ను ఇద్దరు వ్యక్తులు ఆక్రమించేశారు. వాళ్లే మన బాలయ్య. జూనియర్ ఎన్టీఆర్‌. వీళ్లిద్దరి మధ్య జరిగే సంభాషణలే ( ఆల్‌ క్రియేడెట్‌) జనాలకు నవ్వు తెప్పించే సందేశాలు. సర్దార్‌లు అనగానే సమాజంలో ఓ వర్గం. వాళ్ల పై వచ్చే smsలు వాళ్లందరికీ వర్తిస్తాయి. కానీ బాలయ్య, జూనియర్‌ ఎన్టీఆర్‌లు కేవలం ఇద్దరు వ్యక్తులు మాత్రమే. సో ఇవి వీళ్లకే వర్తిస్తాయి.  ( వీళ్లిద్దరూ ఫన్నీ సరుకులా అన్నది వేరే చర్చ) కానీ సీనియర్ అండ్ జూనియర్ హీరోల కారణంగా ఆంధ్రప్రదేశ్‌లోని జనాల ఫోన్స్‌ నుంచి సర్దార్‌ జీ కనుమరుగైపోయాడు.

ఓ విషయంలో మాత్రం నేను తీవ్రంగా బాధపడ్డాను. చెబితే చాలా మందికి అదో విషయమా అని అనిపించవచ్చు…

శ్రీశైలంలో పాతాళగంగకు వెళ్లాలంటే దాదాపు 500లకు పైగా మెట్లను దిగాల్సి ఉంటుంది. అయితే ఏపీ టూరిజం కొండపై  నుంచి పాతాళగంగకు రోప్‌ వే ఏర్పాటు చేసింది. ఇదో థ్రిల్లింగ్ ఎక్స్‌పీరియన్స్‌. రోప్‌ వే ఎక్కి డైరెక్ట్‌గా పాతాళగంగ వరకూ వెళ్లవచ్చు. అయితే రోప్‌వేలోకి వెళ్లే మందు యాత్రికులు వెయిట్‌ చేసేందుకు వీలుగా టూరిజం శాఖ ఓ హాల్‌ను నిర్మించింది. ఇక్కడ నుంచి చూసినా శ్రీశైలం అందాలు అద్భుతంగా కనువిందు చేస్తాయి. అయితే ఆ హాల్‌లోకి ఎంటర్‌ కాగానే నా దృష్టంగా గోడలపైకి మళ్లింది. ఎంతో నీటుగా శుభ్రంగా ఉంచాల్సిన ఆ గోడలను కొంతమంది యాత్రికులు తమ వెకిలి రాతలతో కరాబు చేసేశారు. కొంతమంది తమ పేరు, ఊరు, ఫోన్‌ నెంబర్లు రాసుకున్నారు. మరికొంతమంది లవ్‌ లెటర్లు రాశారు. మరికొంత మంది అసభ్య పదాలతో ఏవేవో రాశారు. కనీస సంస్కారం లేకుండా ఎందుకిలా చేశారా అని చాలా బాధపడ్డాను. సమాజంలో మనకు కొంతమంది చదువుకున్న ( కొన్న) పోకిరీలు ఎదురౌతూ ఉంటారు. వాళ్లు గొప్ప గొప్ప చదువులు చదువుకున్నా… పరిపక్వత లేకుండా వ్యవహరిస్తూ ఉంటారు. కరెన్సీ నోట్లపై పిచ్చి పిచ్చి గీతలు, రాతలు రాయడం, పబ్లిక్‌ స్థలాలు, పబ్లిక్ ఆస్తులపై ఇలాంటి రాతలు రాయడం చేస్తూ ఉంటారు. శిక్షించాల్సినంత పెద్ద నేరంగా ఇది కనిపించకపోవచ్చు కానీ…వ్యక్తుల నైతిక బాధ్యత, వారి విలువులకు సంబంధించినంత వరకూ మాత్రం నా ఉద్దేశంలో ఇలా చేయడం పెద్ద తప్పుడు వ్యవహారమే. మనది కాకపోతే చాలు ఇష్టమొచ్చినట్లు వ్యవహరించడం చాలా మందికి అలవాటు.. పబ్లిక్ స్థలాల్లో గోడలపై పిచ్చి పిచ్చి రాతలు రాసే వ్యక్తులు తమ ఇంట్లో బెడ్‌రూంలో అలానే రాస్తారా..? మన ఇల్లు శుభ్రంగా ఊడ్చుకొని పక్కింటోళ్ల గుమ్మం ముందు ఆ చెత్తను పడేయడం లాంటిదే ఇది కూడా…ఓ రోజు హైదరాబాద్‌లో సిటీ బస్సులో వెళుతున్నా. కాలేజ్‌కి వెళుతున్న కొంతమంది స్టూడెంట్‌ ఎక్కారు. సీటు వెనుక ఏదేదో రాసేస్తున్నారు. వద్దూ అన్నా…. ఇదేం నీ ఇల్లు కాదు…నా ఇష్టం అన్నాడు….అది పరిస్థితి. వాళ్లు కాలేజ్‌కు వెళ్లి కేవలం మాథ్స్‌, ఫిజిక్స్‌, కెమిస్ట్రీ లాంటివే నేర్చుకుంటున్నారు. తప్పెవరిది….?

శాఖల కేటాయింపుపై అసంతృప్తితో ఉన్న వట్టి వసంత కుమార్‌ తన పదవికి రాజీనామా సమర్పించారు. మంత్రి పదవి వదులుకుంటూ ముఖ్యమంత్రికి ఫ్యాక్స్‌ ద్వారా సమాచారం అందించారు. ఎమ్మెల్యే పదవికి రాజీనామా చేస్తూ డిప్యూటీ స్పీకర్‌కు లేఖ పంపించారు. అనేక కీలక శాఖలను సమర్థవంతంగా నిర్వర్తించిన వారికి ప్రాధాన్యత లేని శాఖలను కేటాయించడంపై మంత్రులు భగ్గుమన్నారు. కేవలం అగ్రకులాలకు మాత్రమే కేబినెట్‌లో అధిక ప్రాధాన్యత దక్కిందని ఆరోపిస్తూ వట్టి రిజైన్ చేశారు. వట్టి బాటలోనే దాదాపు పది మంది మంత్రులు రాజీనామా చేయనున్నట్లు సమాచారం. ధర్మాన, బొత్స, కోమటిరెడ్డి, , జూపల్లిలు తమకు కేటాయించిన శాఖలపై అసంతృప్తితో ఉన్నారు. రాత్రి 9 గంటల సమయంలో  మంత్రులకు శాఖలు కేటాయిస్తూ ప్రకటన వెలువడితే రెండున్నర గంటలు గడిచే సరికి సీన్ మారిపోయింది. మా స్థాయి ఏంటి…ఇవేం శాఖలంటూ మంత్రులు తిరగబడ్డారు.

రాత్రంతా హైదరాబాద్‌లోని మినిస్టర్స్‌ క్వార్టర్స్ వద్ద హై డ్రామా నడించింది. వట్టి వసంతకుమార్‌ ఇంట్లో పది మంది మంత్రులు సమావేశమయ్యారు. ఎలాంటి నిర్ణయం తీసుకోవాలనే దానిపై వీరంతా చర్చించారు.తెల్లారితే తొలి కేబినెట్ భేటీ ఉందనగా… తమ అసంతృప్తిని ఏవిధంగా వెళ్లకక్కాలనే దానిపై చర్చించారు. ఊహించని పరిణామానికి వెంటనే తేరుకున్న ముఖ్యమంత్రి అసంతృప్తి జ్వాలలను చల్లార్చే ప్రయత్నం చేశారు. మంత్రి ఆనం రాంనారాయణ రెడ్డిని రాయబారానికి పంపారు. మంత్రి బొత్సా సత్యనారాయణ ముఖ్యమంత్రికి ఫోన్ చేసి రవాణా శాఖ కేటాయించడంపై ఆవేదన వ్యక్తం చేశారు. కేబినెట్‌ సమావేశంలో దీనిపై చర్చిద్దామని సీఎం చెప్పినట్లు సమాచారం

కేబినెట్‌లో బెర్త్‌లు దక్కని వారి సెగ ఓ వైపు…చోటు దక్కినా…ప్రధాన్యత ఉన్న శాఖ దగ్గని అసంతృప్త వాదులు మరో వైపు…  ముహుర్తాలు చూసుకొని మరీ ఇన్నింగ్స్ మొదలు పెట్టిన కెప్టెన్‌ కిరణ్ కుమార్ రెడ్డి తొలి రోజే ఊహించని షాక్ తగిలింది.

నీరా రాడియా…కార్పోరేట్‌ లాబీయింగ్‌ టేపుల వ్యవహారంలో… డీఎంకే రాజాకు మంత్రి పదవి వచ్చేలా చేసేందుకు కాంగ్రెస్ పార్టీలో లాబీయింగ్ చేశారంటూ విమర్శలు ఎదుర్కొంటున్న బర్ఖాదత్‌ కాస్త లేటుగా తన నిజాయితీని నిరూపించుకునే ప్రయత్నం చేశారు. కేవలం వెబ్‌ సైట్‌ ద్వారా మాత్రమే ఇప్పటి వరకూఆరోపణలకు సమాధానం ఇచ్చిన బర్ఖా….సీనియర్‌ ఎడిటర్స్‌తో ఒపెన్ డిబేట్‌కు సిద్ధమయ్యారు.NDTV సీనియర్ మేనిజింగ్ ఎడిటర్‌ సోనియా సింగ్‌ ఆధ్వర్యంలో ఈ డిబెట్‌ జరిగింది. ( రాత్రి పదిగంటలకు NDTVలో ప్రసారమైంది ) నిష్ణాతులైన నలుగురు ఎడిటర్స్‌ బర్ఖాదత్‌ తప్పుచేశారా లేదా అని తేల్చే పని చేశారు. నీరారాడియాతో బర్ఖాదత్‌ టెలిఫోన్ సంభాషణలను తొలిసారిగా ప్రచురించిసంచలనానికి తెరలేపిన ఓపెన్‌ మ్యాగజైన్ ఎడిటర్‌ మను జోసెఫ్‌ కూడా ఇందులో పాల్గొన్నారు.ఒకప్పటి ప్రధాని మీడియా సలహాదారు, ప్రస్తుతం బిజినెస్ స్టాండర్డ్‌ ఎడిటర్‌ తెలుగువాడు సంజయ్‌బారు, టైమ్స్‌ ఆఫ్ ఇండియా మాజీ ఎడిటర్ దిలీప్‌ పద్‌గోన్కర్‌, ఇండియా టుడే మాజీ ఎడిటర్‌స్వపన్ దాస్‌ గుప్తాలు ఇందులో పాల్గొన్నారు. 

బర్ఖా గీత దాటారా లేదా…?

గీత దాటలేదనేదే బర్ఖాదత్‌ పదే పదే చెబుతున్న సమాధానం. కేవలం తాను  వృత్తి ధర్మాన్ని మాత్రమే నిర్వర్తించానని…ఎలాంటి లాబీయింగ్‌లకు పాల్పడలేదనేది బర్ఖా సమాధానం. అయితే బర్ఖా సమాధానంపైనే ఆసక్తికరమైన చర్చ జరిగింది. ఎడిటర్లు సంధించిన అన్ని ప్రశ్నలకు సమాధానం చెప్పే ప్రయత్న బర్ఖా చేసినా…ప్యానెల్ లో ఉన్న ఎవరూ సంతృప్తి చెందలేదు. ముఖ్యంగాఓపెన్ మాజగైన్ ఎడిటర్ మనుజోసఫ్ బర్ఖాదత్ అనుసరించిన జర్నలిజంవిలువలను గుచ్చి గుచ్చి ప్రశ్నించారు. ఒక కార్పేరేట్ పీఆర్ ( రాడియా)కేంద్ర ప్రభుత్వంలో ఎవరెవరికి ఏ పదవి ఉండాలనే విషయాన్ని నిర్ణయిస్తున్నప్పుడు కార్పోరేట్ లాబీయింగ్ పేరుతో వార్తను ఎందుకు ప్రసారం చేయలేకపోయారు అని మను సూటిగా ప్రశ్నించారు. 2009లోనూ 2010లో కూడా ఎన్ డీ టీ వీ ఉద్దేశపూర్వకంగానే ఆ పని చేయలేదనేది మను ఆరోపణ. ఎన్డీటీవీ ఆ కోణంలో వార్తను ప్రసారం చేసి ఉంటే  biggest story of the decade అయి ఉండేదనిమను వాదించారు. దానికి బర్ఖాదత్ మాకు అలా అనిపించలేదు అనిచెప్పి పొడి పొడి సమాధానం చెప్పారు.

అయితే తాను జరిపిన సంభాషణలను ఎడిట్ చేసి ప్రసారం చేయడంపైబర్ఖా అభ్యంతరం వ్యక్తం చేశారు. పొలిటికల్ జర్నలిస్టుగా వివిధ వర్గాలనుంచి న్యూస్ సేకరించే వృత్తి ధర్మంలో భాగంగా రకరకాల మనుషులతోమాట్లాడాల్సి ఉంటుంది. నేనూ అదే చేశాను.అసలు రాజా అనే వ్యక్తినేతాను ఎప్పుడూ కలవనప్పుడు అతనికి మంత్రి పదవి రావడం కోసం తానెందుకు లాబీయింగ్ చేస్తానన్నది బర్ఖా ప్రశ్న.

మొత్తం మీద ఈ ఓపెన్ డిబెట్ కు మాత్రం లాజికల్ కంక్లూజన్ మాత్రం దొరకలేదు…మనిషి అన్నాక తప్పులు జరుగుతూ ఉంటాయి. జర్నలిస్టుగా నేనూ కొన్ని పొరపాట్లు చేశాను. తప్పో , పొరపాటే..అంగీకరించవచ్చు కదా….అని సంజయ్ బారు ఇచ్చిన సలహా బర్ఖాను తీవ్ర ఆవేదనకు గురిచేసింది. అందుకే తాను పక్కా ప్రొఫెషనల్ జర్నలిస్టుగానే వ్యవహరించానని…ఈ విషయంలో చేయని తప్పుకు తలవంచేది లేదని బర్ఖా తెగేసి చెప్పింది.

వాస్తవానికి బర్ఖా చెప్పేదాంట్లో కూడా అర్థం ఉంది. జర్నలిస్ట్ కు సోర్సేప్రాణం. ఒక్కోసారి ఆ సోర్స్ ల నుంచి వచ్చే కథనాలే సంచలనాత్మకకథనాలుగా మారతాయి.అయితే ఇక్కడ ప్రశ్నమాత్రం బర్ఖా దత్ కానీ,వీర్ సంఘ్వీ కానీ…తమ వృత్తి సంబంధాలకు లోబడే సోర్సులతో సంబంధాలు కొనసాగించారా లేక…తమకున్న పలుకుబడిని ఉపయోగించిజర్నలిస్టులు కాస్తా లాబీయిస్టులుగా మారిపోయారా అన్నదే.

ఈ రెండు రోగాలు ఎలా అవుతాయని డౌట్‌ వచ్చినా ఖచ్చితంగా ఈ రెండూ రోగాలే అవుతాయి. ఎందుకంటే ఎలక్ట్రానిక్ మీడియాలో పనిచేస్తూ…ఈ రెండు రోగాలను చాలా క్లోజ్‌గా పరిశీలిస్తూ నేను

ఏమాత్రం జీర్ణించుకోలేకపోతున్నాను కాబట్టి…

ఎలక్ట్రానిక్‌ మీడియాకు సోకిన ఈవైరస్‌ల గురించి కాస్త డిటేల్డ్‌గా చెప్పుకుందాం…

ఎక్స్‌క్లూజివ్‌ న్యూస్‌

ఈ మధ్య ఏ న్యూస్‌ ఛానల్‌ పెట్టినా సరే…ఛానల్‌ లోగో, స్క్రాలింగ్‌, ప్రసారమవుతున్న వార్తతో పాటు కుడి నుంచి ఎడమకు తాటికాయంత అక్షరాలు వెళ్తూ ఉంటాయి. అదే ఎక్స్‌క్లూజివ్‌ ( టీవీ పరిభాషలో వాటర్ మార్క్ అందురు).  రాష్ట్రంలో 12కు పైగా ఉన్న న్యూస్ ఛానల్స్‌…ఎక్స్‌క్లూజివ్‌ అన్న పదానికి అర్థాన్నే మార్చేశాయి.  అసలు ఏది ఎక్స్‌క్లూజివ్‌ న్యూస్ అవుతుంది. ఎప్పుడు ఎక్స్‌ క్లూజివ్‌ వాడాలి అన్నదానికి నియమం అంటూ లేకుంటా పోయింది. వాస్తవానికి తమ దగ్గర మాత్రమే ఉండి…మరే ఇతర ఛానల్స్‌ దగ్గరా లేని వార్తకో, విజువల్స్‌కు, న్యూస్ ఐటం కో ఎక్స్ క్లూజివ్ వేసుకోవచ్చు. ఎందుకంటే అది ఖచ్చితంగా వాళ్ల టీం ఎఫర్ట్‌ కాబట్టి, పైగా అది పూర్తిగా ఆ ఛానల్‌కే చెందుతుంది కాబట్టి. కానీ ఇప్పుడు ఏ న్యూస్ ఛానల్ కూడా ఈ నియమాన్ని ఫాలో అవడం లేదు.

పక్క ఛానళ్ల వాళ్లు ఒక్క సెకన్‌, ఒకే ఒక్క సెకన్‌ లేటుగా ప్రసారం చేసినా సరే…ముందు మనమే టెలికాస్ట్ చేశాం కాబట్టి అప్పటికి అది మనకి ఎక్స్‌క్లూజివ్‌ అన్నది ఇప్పడు ఛానల్స్ ఫాలో అవుతున్న ఫార్ములా. కొన్ని ఉదాహరణలు చూద్దాం….

అల్లు అర్జున్‌ ఎంగేజ్‌మెంట్‌ జరుగుతోంది. ముందు ఒకఛానల్‌ విజువల్‌ను బ్రేక్ చేసింది. ప్రేక్షకులకు అన్ని ఛానల్స్ కంటే ముందు ఈ ఛానల్‌ ఇచ్చింది కాబట్టి ఫస్ట్‌ ఆన్‌ అని వేసుకోవచ్చు. అంత వరకూ అభ్యంతరం లేదు….కానీ పక్క ఛానల్స్‌ కూడా ఆ విజువల్స్‌ను ఇస్తున్నా కూడా…తమ దగ్గర మాత్రమే ఉన్నట్లు ఎక్స్‌ క్లూజివ్‌ అని వేస్తూ ఉంటారు. ప్రేక్షకుడి చేతిలో రిమోట్ ఉంటుంది. ఒకే ఒక్క ఛానల్‌కు అతుక్కొని ప్రేక్షకుడు ఎప్పుడూ ఉండదు. అన్ని ఛానల్స్‌ను సర్ఫ్ చేస్తూ ఉంటాడు. అన్నింటిలోనూ ఒకే వార్త ( ఒకే విజువల్స్‌ ) ప్రసారమవుతా ఉంటాయి…అయినా అన్ని ఛానల్స్‌ ఎవరికి వాళ్లు ఎక్స్‌ క్లూజివ్ అని వేసుకుంటారు. రేటింగ్స్‌లో నెంబర్‌ వన్ స్థానంలో ఉన్న ఛానల్‌ నుంచి అట్టడుగునున్న ఛానల్‌ వరకూ అందిరిదీ ఇదే పంధా. అది చూసే ప్రేక్షకుడికి దిమ్మ తిరిగిపోతుంది.

పక్క ఛానల్స్‌ దగ్గర సేమ్ విజువల్స్ ఉన్నప్పుడు… వాళ్లు కూడా సేమ్ స్టోరీని ప్రసారం చేస్తున్నట్లు…ఎక్స్ క్లూజివ్‌ అని వేసుకోవడంలో అర్థం లేదన్నది నా వాదన. ఈ విషయాన్ని ఛానల్స్ ఎందుకు గుర్తించవో అర్థం కాదు.  అయితే విపరీతమైన పోటీ కారణంగా ప్రేక్షకుడికి ముందు మేమే చూపించాలన్న ఆశతో మీడియా సంస్థలు దృశ్య చౌర్యానికి కూడా పాల్పడుతున్నాయి. అంటే వేరే ఛానల్‌లో వచ్చిన దాన్ని రికార్డ్ చేసి వేసుకోవడం. ఆయా ఛానల్స్‌ మధ్య అవగాహన ఉంటే ఒకే..అందులో అభ్యంతరం ఏమీ ఉండదు కానీ…ఎదుటి వాడి ఎక్స్ క్లూజివ్ విజువల్స్ కాపీ కొట్టి ఇంకొక ఛానల్స్ ఎక్స్‌ క్లూజివ్ అని  వేసుకోవడం ఎంత వరకూ సంమంజసం.

బాబ్లీ ఎపిసోడ్‌లో మహారాష్ట్ర పోలీసులతో చంద్రబాబు వాగ్వాదం కేవలం ఒకే ఒక్క ఛానల్‌ దగ్గర మాత్రమే ఉన్నాయి. చంద్రబాబు ఛానల్‌ కూడా వారి సౌజన్యంతోనే వేసుకున్నారు. కానీఓ ఘనత వహించిన ఛానల్ మాత్రం పక్క ఛానల్‌ ఎక్స్‌ క్లూజివ్‌ పై తమ ఛానల్‌ లోగో వచ్చే లా వాటర్ మార్క్‌ను ఎడిటింగ్ మాయాజాలంతో మాయచేసి తమ ఎక్స్ క్లూజివ్‌ అని ప్రసారం చేసుకుంది. జనాలు చూస్తారో లేదో తెలియదు కానీ ఛానల్స్ మాత్రం ప్రత్యేకం అని వేసుకోవడానికి తెగ హడావుడి చేస్తూ ఉంటాయి.

మా ఎఫెక్ట్ అని చెప్పుకోవడం

ఈ మధ్య కొన్ని ఛానల్స్‌కు ఈ జబ్బు కూడా ఎయిడ్స్ స్థాయిలో అంటుకుంది. రోశయ్య రాజీనామా..కిరణ్‌ కుమార్ ప్రమాణం వరకూ చూసుకుంటే….మీడియా మధ్య పోటీ

ఏ స్థాయిలో ఉందో అర్థమైపోతుంది.  రోశయ్య రాజీనామా చేస్తాడని ముందే చెప్పాం కిరణ్‌కు ముఖ్యమంత్రి పదవి వస్తుందని ముందే చెప్పాం….అంటూ ఊకదంపుడుగా ప్రోమోలు

కూడా నడుపుతున్నాయి.  సొంత డబ్బా కొట్టుకోవడం వల్ల ఛానల్స్ రేటింగ్‌ పెరుగుతాయా…? అసలు ప్రేక్షకులకు కావాల్సింది ఏమిటి….? సొంత డబ్బాతో ఛానల్‌ క్రెడిబిలిటీ

పెరుగుతుందని నేనైతే అనుకోను.